Steps in Life

童真、好易氹

noreply@blogger.com (Lupus) — Tue, 24 Nov 2009 14:48:00 +0000

軒軒都要感恩, 响噚日第一輪自行收生派到香港華仁小學。

因為係政府資助學校, 唔洗面試, 所以軒軒完全唔知報咗依間學校, 甚至未聽過依間學校個名! 但當其他人恭喜佢入到間好學校, 聽得多, 佢又好開心, 同媽媽講:「媽媽, 我好開心入到華仁小學, 依間係好好嘅學校呀!」

依家當人問佢讀邊間小學, 佢都好自豪咁答:「華仁小學, 我好鍾意o架!」

女同學

noreply@blogger.com (Lupus) — Mon, 23 Nov 2009 14:48:00 +0000

軒軒今日收到一個女同學送嘅聖誕咭, 爸爸問:「點觧解佢會俾聖誕咭你嘅?」

軒軒:「佢鍾意我囉!」

爸爸:「咁你鍾唔鍾意佢呀?」

軒軒:「都鍾意嘅。」

爸爸:「佢同你同組o架?」軒軒嗰班分成六小組, 佢喺長腳蟹組。

軒軒:「唔係~」

爸爸:「你平時成日同佢玩?」

軒軒:「係呀!」

無耐之前就話同組嘅男同學係好朋友, 咁快又轉咗!

冲涼唱歌

noreply@blogger.com (Lupus) — Thu, 19 Nov 2009 14:46:00 +0000

近排可能多表演, 好多歌曲要練習, 所以上哂腦, 每次冲涼都大大聲一路唱一路冲, 但係出嚟又靜哂!

昂船洲大橋百萬行

noreply@blogger.com (Lupus) — Sun, 15 Nov 2009 13:33:00 +0000

今日一家大細接受一個耐力大考驗: 行昂船洲大橋百萬行!

天氣唔算太好, 灰灰地, 有少少涼, 後半部份仲有雨o添! 所以風景睇上嚟無咁靚, 但總算可以親身行吓平時唔會有機會行嘅大橋, 又可以做善事, 都算有意義!

大會估計要大約二小時完成整個行程, 當然依個係以成年人計, 我哋帶住軒軒當然要耐啲, 但都估唔到行咗四個鐘! 我哋12點半出發, 完成時係同2點鐘出發嘅人一齊!

軒軒行咗一半嘅時候開始攰, 好彩遇到朋友仔, 有伴一齊行, 玩吓行吓, 最終都可以自己完成整個行程, 真係叻仔! 中途好多人都坐响地下休息, 而回程搭接駁巴士去青衣時, 短短十分鍾車程, 好多後生仔都瞓咗, 軒軒仲好鬼精神!

最後問軒軒下次仲行唔行, 佢話:「吓! 唔係呱?!」

元朗兒童合唱團表演

noreply@blogger.com (Lupus) — Sun, 15 Nov 2009 01:41:00 +0000

都唔記得係第三次定第四次, 不過今次幫元朗兒童合唱團表演係練習得最少嘅一次, 好彩係企定定唱, 唔洗走來走去, 如果唔係實亂哂。

今次係參與2009元朗藝術節表演。

表演完畢梗係要獎勵一吓, 去冒險樂園輕鬆吓啦!

健力士世界紀錄

noreply@blogger.com (Lupus) — Sat, 14 Nov 2009 02:26:00 +0000

香港管弦樂團舉辦了一個名為「港樂.星夜.交響曲」的活動, 在香港跑馬地快活谷舉行。這次活動除了可現場欣賞交響樂團的演出外, 更會同現場觀眾一同吹口琴以打破一齊吹口琴的健力士世界紀錄。

大會要求所有人一齊演奏最少五分鐘(最後演奏了七分多鐘), 而大家亦要留意指揮及節拍, 難得軒軒很用心吹, 完成整首樂曲。

雖然今晚開始轉凉, 而且由入場到演奏等了三個多小時, 但軒軒都好有耐性的等及同朋友仔玩, 所以都好高興有機會有份參與這次有意義的活動, 能夠令他知道合作的重要, 亦能在紀錄上留下名字。

看他多投入!

明愛賣物會

noreply@blogger.com (Lupus) — Sun, 08 Nov 2009 09:39:00 +0000

今年嘅香港區明愛賣物會今日响維園舉行, 趁有時間, 帶咗軒軒同朋友仔去行吓。

佢入到去好似行年宵花園咁, 每個檔位都去睇、睇到咩都話買! 不過因為做善事嘅關係, 而且真係好抵, 所以都買咗唔少。

最後仲玩o埋大型遊戲o添!

好消息

noreply@blogger.com (Lupus) — Fri, 06 Nov 2009 09:08:00 +0000

軒軒今日有二個好消息俾媽媽。

第一, 今日聖保羅堂幼稚園派回近二個月嘅評估, 軒軒的成績明顯比之前好, 拿到「優」的項目比上一次多。

第二, 上游水課時居然可以自己游一個直池(大概25米)!

坦誠相對

noreply@blogger.com (Lupus) — Tue, 03 Nov 2009 03:56:00 +0000

可能近日好多事情發生, 軒軒功課漸深、又要應付多個小學入學面試, 所以變得有點兒頑皮。

爸爸亦因為工作的關係而變得沒耐性、不能包容。

可能就是這樣, 大家都常常互發皮氣。

爸爸發覺問題所在, 所以今晚同軒軒講:「不如爸爸以後都唔發皮氣咯?」

軒軒聽到, 即刻雙眼發光、由心笑出來、但又不敢相信, 不懂說話, 呆了好幾秒, 才笑着說:「都幾好喎。」

爸爸見到這樣的反應, 便知道軒軒近日受的委屈, 心都傷了。

所以爸爸跟軒軒勾手指尾, 約定以後都唔發皮氣。當爸爸發皮氣的時候, 軒軒就要提爸爸冷靜下來。而軒軒亦都會乖乖地, 唔再扭計。

原諒

noreply@blogger.com (Lupus) — Thu, 29 Oct 2009 06:45:00 +0000

爸爸同軒軒道歉, 但軒軒卻不停同爸爸玩, 幸好他都知道爸爸的意思, 接受道歉, 原諒爸爸。

誤會

noreply@blogger.com (Lupus) — Wed, 28 Oct 2009 06:39:00 +0000

近來軒軒身體有些小毛病, 爸爸媽媽又無留意, 反而誤會佢染咗壞習慣。

對唔住, 乖仔。以後會多啲同你溝通了解。有問題記住出聲呀。

魔境魔境, 邊個最靚?

noreply@blogger.com (Lupus) — Tue, 27 Oct 2009 06:40:00 +0000

早上醒來, 軒軒同媽媽看書, 見到有公主的圖片, 媽媽問:「你鍾唔鍾意公主呀?」

軒軒答:「唔鍾意。」早兩年都好鍾意。變得咁快!

媽媽問:「點解呀? 啲公主唔靚咩?」

軒軒答:「麻麻地啦。」

媽媽問:「咁你識嘅女孩子邊個最靚呀?」

軒軒答:「你囉!」冧到媽媽鬼咁開心。

下午去咗APM睇奇異動物展, 見到好多雙頭龜、雙頭蛇、雙頭魚、及其他已知變異嘅動物。軒軒無乜心機睇, 淨係掛住影相。最後居然俾主辦單位捉住做訪問。

晚上食完飯返屋企, 叫軒軒冲涼, 佢就入房瞓咗上床, 爸爸催佢, 佢居然好唔耐煩、好似啲反叛青年咁話:「你出返去啦, 唔好理我啦。」

唉, 都唔知响邊度學返嚟, 又要慢慢教!

放風箏

noreply@blogger.com (Lupus) — Mon, 26 Oct 2009 06:35:00 +0000

早二日媽媽買了隻變形金剛風箏俾軒軒, 細細隻的。原本今日同軒軒去海洋公園, 但臨出門, 軒軒話寧願去隔離公園玩新買嘅風箏, 都唔去海洋公園。

今日無風當然飛唔起, 但攞住隻風箏跑跑跑, 都玩得好開心。

甩第二隻牙

noreply@blogger.com (Lupus) — Tue, 13 Oct 2009 07:28:00 +0000

第二隻牙率之甩了, 無法啦, 不停咁用手指同條脷去攪佢。

今次又甩得好特別。軒軒仲食緊藥, 因為係最後一劑量, 佢就咁成支飲, 點知飲完隻牙就响個樽入面!

小病一場

noreply@blogger.com (Lupus) — Sun, 11 Oct 2009 07:27:00 +0000

港大同學會小學早二星期因為太多小朋友得了人類豬流感H1N1而停課。

昨日軒軒去了那裡面試, 今天早上喉嚨便痛得很利害, 還有些咳o添! 幸好軒軒還精神。

當然病是跟港大同學會小學沒有關係的! 希望軒軒早日康復吧。

第二隻

noreply@blogger.com (Lupus) — Wed, 07 Oct 2009 07:19:00 +0000

上次甩咗隻門牙, 今日旁邊果隻都鬆了, 仲要鬆得好快, 我諗呢兩日都會甩!

第一隻甩咗之後, 依家已經有新牙出了.

轉軚

noreply@blogger.com (Lupus) — Sun, 04 Oct 2009 07:18:00 +0000

軒軒依家响西九龍中心學溜冰, 主要係花式溜冰嘅基本動作。佢有得溜冰又好開心! 不過佢鐘意快多啲, 同埋响人叢中間穿插。

一早醒來, 軒軒跑去叫醒爸爸, 同爸爸講:「今日我同你去溜冰吖。」

難得佢主動提出, 下午就去了西九龍中心玩。

期間不只一次軒軒停落嚟好有興趣咁望住人地練習冰上曲棍球。於是媽媽問:「你鐘意玩冰上曲棍球, 定係好似依家咁做動作呀?」

軒軒:「冰上曲棍球啦。」

媽咪:「點解呀?」

軒軒:「型啲吖嗎!」

媽咪:「做動作都好型吖。」

軒軒:「做動作係女仔玩o架!」果時咁啱睇緊電視係女子花式溜冰。

媽咪:「都有男仔o架。」

軒軒:「冰上曲棍球溜得快啲!」

既然佢咁講, 遲啲幫佢轉啦。

宿營

noreply@blogger.com (Lupus) — Sat, 03 Oct 2009 06:50:00 +0000

這個國慶/中秋假期我們一家人約了聖保羅堂幼稚園的朋友仔去宿營, 地點是筲箕灣的鯉魚門度假村。

我覺得比較特別的是可以跟朋友仔一起賞月吃月餅, 這是現今很少做的了, 當然軒軒只知道有得玩便開心了!

一連二日的宿營結束了。

人類豬型流感

noreply@blogger.com (Lupus) — Tue, 29 Sep 2009 06:49:00 +0000

人類豬型流感已經成為風土病! 軒軒學校已經有二個同學中招, 其中一個仲要係同班! 而同佢一齊學游水的朋友仔都係剛剛痊癒。

甩第一隻牙

noreply@blogger.com (Lupus) — Mon, 28 Sep 2009 06:46:00 +0000

軒軒鬆果隻牙, 响頭先食蘋果時, 甩咗啦! 做咗崩牙仔o添。

累, 喊...

noreply@blogger.com (Lupus) — Sun, 20 Sep 2009 15:18:00 +0000

上午, 聖保羅堂幼稚園在教會表演, 軒軒是其中一位。他在家都好努力練習的。

下午, 媽媽如常教導軒軒做功課。今年的功課深了很多, 不再是往年的連線、寫單字, 而是需要思考的題目, 中文字更是很復雜的。

可能是累的原故, 軒軒寫的字不太漂亮, 改了又改, 而皮氣也越來越大, 頂嘴也越來越語氣重, 率之... 「啪」的一聲, 媽媽已一把掌打了仔一下, 這一掌重得軒軒頭也向後躺了一下。

軒軒即時流淚, 但又沒有大喊, 反而一樣的語氣強硬的反問:「做乜打我喎!」

媽媽跟他解釋, 可能仍心有不甘, 軒軒依然的頂嘴, 率之「啪」, 第二個巴掌已打了過去。

連續受了二個巴掌, 軒軒才知道事態嚴重, 安靜下來。媽媽花了很多時間令軒軒知道錯在什麼地方。

「有無攪錯!」

noreply@blogger.com (Lupus) — Sat, 19 Sep 2009 13:21:00 +0000

軒軒無情情話上山頂行吓, 反正無咩嘢做, 一家大細上咗去山頂凌霄閣吹泡泡。

食完飯搭小巴回家, 車上軒軒不停地攪個大袋, 要揾吹泡泡嗰玩具, 爸爸不停地叫佢坐好, 但軒軒都無理會, 於是爸爸輕輕力捉住佢耳仔問:「聽唔聽到呀?」

但軒軒好大反應咁話:「有無攪錯呀!」

爸爸即刻話:「我叫咗你咁多聲你都唔理, 我都未話有無攪錯, 你同我講有無攪錯!」

佢又好似知道理咁, 完全無發皮氣, 即刻當無嘢。

閃電

noreply@blogger.com (Lupus) — Mon, 14 Sep 2009 04:13:00 +0000

軒軒好喜歡Lightning McQueen, 但係一直都無親眼看過閃電。

今晚天氣突然轉變, 爸爸同軒軒由爺爺嫲嫲屋企行去地鐵站時, 有一段露天的路, 可以看到偌大的天空。我們就這樣站着, 抬頭看閃電怎樣把天空劃成幾片。

搭校車

noreply@blogger.com (Lupus) — Thu, 10 Sep 2009 04:11:00 +0000

今日對軒軒來說是一個小轉變, 因為早上會搭校車上學!

媽媽物色到一班校車正正在家門口上車, 而上車時間同自己返係一樣, 而且不用走來走去車站, 舒服一點。

晚上問軒軒坐校車好唔好玩, 佢話:「好玩, 好似坐Roller Coaster咁!」

放學都係由媽媽接。

一家大細去溜冰

noreply@blogger.com (Lupus) — Mon, 07 Sep 2009 04:10:00 +0000

爸爸一直都無同軒軒一齊溜冰, 而爸爸其實都唔識! 今日有時間就一家大細去玩一個下晝。

去之前軒軒就用心教爸爸一啲技巧, 但一著住對溜冰鞋, 就一支箭咁衝去玩了。不過估唔到佢可以推住爸爸轉成個圈!