出疹

Lupus 之前發燒原來係出疹, 成身都有紅點, 好彩唔痕。 醫生話正常係好痕同埋唔止咁少, 都算好彩！

糖黐豆

今日旭傑生日, 去咗麥當奴開派對, Ella又有來, 真好。同Ella一見面就好似糖黐豆, 唔係佢拖我去玩就係我揾佢傾碣, 總之就冇得分開... ..
都唔係嘅, 同爸爸玩嘅時候攬到爸爸鬼咁實, Ella過嚟拖我隻手都推開, 但係爸爸一走又同Ella孖公仔。 走果時仲一定要拖住Ella隻手, 二個人一齊行完全唔等人０添!!

病咗

Lupus今日仲有燒, 睇醫生前上咗去學Phonics間Jolly's Kingdom度請假, 順便叫老師同Zachary講今日同唔到佢食飯(平時大家都會帶飯上去食)。 估唔到佢咁有心, 打電話嚟問侯。

Phonics喺逢星期二、四學, 咁啱二、四大家都要著運動衫。 有次星期三Zachary見唔到Lupus, 佢問媽咪點解Lupus唔返嘅, 係咪唔舒服, Zoe 姨姨話: 「唔係, Lupus唔係日日嚟嘅。」 Zachary話: 「係咪著運動衫先見到呀?」

多咗個咁好嘅朋友仔真好！

"Zachary is my brother!" said Lupus.