四歲生日

今日係Lupus四歲生日, 生曰快樂!!! 因為要返學, 所以無特別慶祝, 只係夜晚同爸爸媽媽一齊食壽司同蛋糕!

比佢笑暈

今日媽媽同Lupus唱歌， 媽媽唱一句，Lupus跟住歌。 Lupus有一句唱唔到, 媽媽就話：「你真係差吖。」
Lupus諗都唔諗， 就答：「我唔係叉呀， 妳就係匙羹， 爸爸係刀呀。」
笑到爸爸媽媽收唔到聲。

厚面皮

今日同Lupus去行花市, 一去到佢就好開心, 因為見到好多玩具。 Lupus行到邊睇到邊， 仲自己走去拿起玩具玩， 當正係自己屋企， 攤擋哥哥姐姐更係唔放過佢， 不停落咀頭叫佢買, 不過Lupus差不多每次都係同一個答案：「唔買啦。」

揸筷子

今日用「大個仔」筷子食飯呀， 我自己要ｏ架。

唱歌表現

Lupus一直有去合唱團唱歌, 今日是第一次表現。 早上去元朗劇院綵排時, Lupus一行上台就開始喊, 其實當時台下面都無人。 見到這個情况, 爸爸媽媽就用最大努力在休息時幫Lupus做好心理準備。

但都是沒有用, Lupus跟著其他小朋友行出舞台時就放聲大哭， 老師即刻帶他回後台, 原本以為他會錯過這一次表演機會, 誰不知媽媽邊幫Lupus抹眼淚, 邊說：「爸爸在台下等你表現啊！」 就這一句, Lupus就收拾心情, 再次行出舞台, 完成表現。 Hooray......

滾軸溜冰

聖誕節買咗一對滾軸溜冰inline skates比Lupus. 一直都無機會去玩, 今日去完元朗合唱團, 帶咗Lupus去溜冰場試吓。 一著對溜冰鞋佢已經企起身, 仲企得好穩, 無話搖搖擺擺。 最初爸爸拖住佢兩隻手仔慢慢行, 行得兩三個圈, Lupus扶住爸爸一隻手已經可以平衡到, 仲行吓行吓咁自己行ｏ添! 哈, 你真係估佢唔到, 玩多兩個圈, Lupus已經唔洗人扶自己玩!!

長隆野生動物園

今日去了中國長隆野生動物園, 見到好多動物, 係真果D, 長頸鹿, 河馬, 犀牛, 袋鼠， 好多好多。 Lupus睇得尤其開心, 不停咁叫:「長頸鹿呀, 你睇！」, 「hippo, 呢邊呀。」, 「Koala bear呀...」 佢見到每樣動物都話要餵佢哋食嘢, 先後餵過豬，馬，羊，塘鵝，同長頸鹿。 餵長頸鹿最得意, 又驚又要餵, 但係最鐘意都係樹熊, 仲買咗隻公仔返屋企！