"出"

媽咪喺暑假時買了好多好多練習簿俾Lupus 等佢放假都要寫吓字 咪心散。自始每日都會練寫字 , 訓練佢坐定定同專注力 。
剛開始時媽咪要在旁監督、鼓勵 , 後嚟等佢自己揀字自己寫 , 學習獨立完成練習 。
Lupus今日揀咗寫 "出"字, 剛開始時媽咪指導佢"出"字嘅筆劃 , 間中提示吓佢。
媽咪 : 「一、二 、三劃 ... 跟住咁樣咁樣 ... 」
Lupus:「你唔好講 , 我自己嚟!」
媽咪繼續望住佢寫字 。
Lupus:「你唔好望住 , 我自己寫! 你喺嗰到等!」手指住爸爸媽媽房。
媽咪唯有行開等。