今日要返容鳳書健康院做四歲評估。 先量高:「103cm, 好。」 再磅重:「18.5Kg, 好。」 姑娘話:「嘩, 你比其他小朋友橫好多, 係咪要箸大一個碼嘅衫呀?」
跟住去驗眼。 Lupus咁樣話返比爸爸聽:「首先呢要帶眼鏡喎, 好大o架, 有得咁樣咁樣(二隻手仔一開一合遮住對眼)喎。 然後呢咁樣(左手遮住左眼)讀ABCDEFG....., 跟住就到呢邊(右手遮住右眼)ABCDEFG...。」
爸爸好奇問:「睇得清唔清楚呀?」 預期Lupus好得戚咁答:「梗係清楚啦!」
點知Lupus話:「呢邊(指住右眼)好清楚, 呢邊(指住左眼)朦呀。」
媽媽撘嘴:「係啦, 姑娘話佢先生有散光呀。」
唉, 睇怕Lupus第時都係四眼仔!
Subscribe to:
Post Comments (Atom)
No comments:
Post a Comment