發記茶餐廳

回家時發現發記嘅外賣紙攝喺門口, Lupus 遂據為己有。
晚飯前, 佢攞張外賣紙俾媽咪, 手上揸住本Buzz拍紙簿和筆。
「媽咪, 你想食乜嘢呀?」
「但係我一陣就煮餸啦!」
「唔使麻煩啦, 叫嘢食啦!」
「咁呀, 唔該幫我叫一客吞拿魚壽司吖。」 亞仔就作狀寫底嗰order啦。
「你要重覆我叫咗嘅嘢食至得嫁...」媽媽提醒吓呢位＂伙計＂。
「一客壽司魚。」
「係吞拿魚壽司呀!」
「好...一份吞拿魚壽司。」亞仔再係本Buzz簿上寫呀寫。
「仲有無嘢要呀？」亞仔都幾殷勤。
「唔...幫我叫多一份三文魚頭湯吖。」
「賣哂啦！！」
「呀！？無嗱！」媽媽都愕一愕。「咁要咸魚雞粒炒飯吖, 有無呀？」
「有, 好靚嫁。」吓！？
「伙記呀, 我想問吓個飯係幾多錢？」
「唔使錢嫁。」吓！！？
.
.
.
.