學中文

Lupus近幾個月非常喜歡學中文字， 有時在街上見到一些路牌或者店鋪名， 佢都會記住個字（咁梗係簡單果啲啦）， 然後同爸爸講：「爸爸， 我教你寫個字吖， 咁咁咁.......」

爸問：「呢個咩字嚟o架？」

Lupus：「個『出』字囉！」

爸問：「係喎， 邊個教你o架？」

Lupus：「唏， 果度（指住個『出口』個指示牌）咪有囉， 『出口』個出嗎！」

爸：「你咁叻o既。」

------------------

Lupus有時又會話：「爸爸， 我今日學咗個『晴』字， 寫俾你睇吖。」

爸話：「不如寫『晴天』啦， 個『天』字你都識。」

Lupus攞住個神奇畫板， 寫寫寫寫....