唔願輸

夜晚, 食完飯, 一家三口玩新遊戲-「Blokus」! 呢個遊戲係每人有一啲好似「砌磚」嘅方塊, 然後好似圍棋咁, 响遊戲板上面盡量圍多啲地。

軒軒可能唔係好識玩, 佢係第一個出唔到方塊, 只可以坐响到望住爸爸媽媽玩。

爸爸不停咁叫佢自己諗吓點解會輸, 心有不甘, 卒之發皮氣。 重要嬲到坐响厠所度大喊, 話:「我好嬲爸爸, 唔再同佢傾計呀。」

媽媽話軒軒上咗棋班之後, 開始有鬥心、唔願輸嘅心態, 所以反應咁大。