感情用事

同軒軒去睇電影「冲天救兵」。 因為係3D立體電影嘅關係, 每個人都要帶立體眼鏡。

軒軒一見, 就好緊張咁問:「啲公仔會唔會跑哂出嚟o架?」 佢一直對電影, 尤其是立體電影, 都有少少恐懼。 可能佢之前去迪士尼睇立體電影時太細個, 未接受到嚇親, 有陰影。

爸爸同佢解釋清楚, 軒軒都肯帶嚟睇, 不過有啲緊張位, 都係除咗副眼鏡。

成套戲大致上都睇得好開心, 又叫又笑。 但最後軒軒居然喊!!

爸爸問:「係咪唔捨得大鳥呀?」 唔係。

「係咪唔捨得小朋友呀?」 唔係, 但又唔肯講。

之後爸爸諗可能係唔喜歡個壞人跌落飛船。 佢一直都不太喜歡見到唔開心o既事。