自己屋企...元朗

下午, 爸爸同軒軒食tea, 期間有地產打比爸爸, 問元朗間屋會唔會賣, 傾咗一陣間。

收線後, 軒軒問邊個打嚟(例牌動作, 如果俾佢見到來電係佢識嘅人, 佢會搶嚟聽o添), 爸爸如實話比佢知:「有個地產經紀問會唔會賣元朗間屋。」

佢聽到即刻笑哂出嚟、好得戚咁話:「梗係唔賣啦, 自己屋企、要返嚟住o架。」

.................................

夜晚食飯, 軒軒咬住對筷子, 點知一縮, 上下牙齒好大力咁撞o埋一齊, 喊得好犀利, 再食嘢時, 軒軒話:「隻牙好似鬆鬆哋!」

原來撞到上面隻門牙鬆咗, 仲有血絲o係! 好彩唔係下面鬆, 下面換咗牙啦, 上面未。