感動四則

1. 軒軒去玩Ice hockey, 過咗荃灣揾爸爸媽媽。 因為有其他小朋友的關係, 爸爸媽媽由得軒軒同佢哋一齊玩。 期間有一位三歲小朋友想玩Snake and Ladder嘅Board game, 軒軒好有心機教佢點樣擲骰、一步一步行、避開機關, 完全係一個小老師!

2. 小朋友走哂, 都唔洗人叫, 軒軒已經自動自覺收拾小朋友玩完的玩具, 仲要幫手做清潔, 就算叫佢上網玩陣休息都唔肯!

3. 雖然已經食咗麵包做下午茶, 軒軒都肚餓, 但問佢同爸爸食完飯先返去好唔好, 佢答:「有少少肚餓啫, 返去等埋媽媽先食啦 (媽媽去咗探公公)。」

4. 搭地鐵要追車, 大家跑時腳碰腳齊齊跌倒, 軒軒第一個反應係好內咎咁話:「對唔住, 你有無事呀?」 上到車, 軒軒坐低休息, 爸爸幫佢睇吓隻腳, 佢仲好內咎咁問:「係我錯, 係我撞到你, 有無事呀?」 爸爸話:「唔係你錯, 係爸爸撞到你。 隻腳痛唔痛呀?」

佢聽到唔係自己錯, 先至放鬆返, 話「真o架? 有少少痛。