聖誕禮物

聖誕節送軒禮物， 他選LBX模型。

爸教他怎樣看說明書， 找部件， 及一些要注意的地方， 便由他自己去完成。

當他開始後， 便完全停不了， 無時無刻都想著要把它完成。

原來只要他想做， 他也可以有專心， 細心， 及恆心的。

甩牙

軒有隻乳齒鬆咗好耐, 今天食雞亦的時候終於甩了。

搓得吓 (乒乓波)

訂了塲打乒乓球, 可惜司農沒空(往海洋公司玩), 唯有媽咪上陣。
軒見隔離枱嘅叔叔打得好勁, 時不時望吓人哋。
叔問軒：[我哋係咪打得好叻呢？]
軒點點頭：[我想同你打。]
叔：[好呀, 你過嚟打啦！]
軒毫不猶豫地走過隔離枱打波。
叔叔讚軒：[幾好喎, 你嘅姿勢幾好！]
見軒同叔叔真係搓得吓, 真是打得很好！
軒打得滿頭大汗, 不時擦汗。
接着又有另外兩位叔叔自動請纓輪流陪軒搓兩板。
媽樂得坐着做觀眾。
多謝三位叔叔賜教！

LEGO 世界名勝

看完展覽後。
軒：[媽, 我想買LEGO！]

 

“帆旋門“

軒在做暑期作業。
軒：[媽, 富士山喺邊㗎？喺唔喺香港㗎？]
媽：[咁你去過未吖？]
軒：[未...哦！喺外國。]
媽：[富士係Fuji, 你諗吓Fuji係邊個國家嘅語言？]
軒：[Fuji fushi？]
媽：[Fuji Fujimoto Toyota Mitsubishi ]
軒：[哦！ 日本！]
媽：[啱啦。]
軒：[媽, 咁“帆旋門“喺邊呀？]
爸爸聽到, 在偷笑。
媽：[唔係“帆旋門“呀囝, 係“凱旋門“呀！]
軒：[哈 哈 ... ！]

更加拼命

軒：[媽, 我陣間上堂(冰球)要更加拼命！]
媽：[點解呢？]
軒：[我要打死哂啲人！]
媽：[吓？咁咪無人同你打波囉。]
軒：[唔係呀！我淨係打低哂啲敵人。]
現在軒打波真的拼搏了很多！

享受閒暇

今天天氣很好, 晴朗有些微風。
軒已很久沒有這樣和其他小朋友玩耍了。
平日返學的曰子, 實在沒時間。
一玩便兩個小時。
媽：[好玩嗎？]
軒：[好玩呀！]
媽笑了笑。

舊同學聚舊

暑假的第一天, 約了正平、正延、恩琦、博言見面。
吃過點心, 一同往教協買文具準備開學用。
回家路上,
媽：[見返正平、恩琦 佢哋開心嗎？]
軒：[好開心！ 因為好耐無見佢哋啦。]
媽笑了笑。
平日返學的曰子, 實在沒時間。

尋寶記？！

腐皮壽司便當

媽第一次做腐皮壽司。
軒：[好味, 正！] 還竪起手指公讚媽媽。
成功！

買牛奶

早上起來。
媽：[軒, 無鮮奶啦！你自己落街買返嚟吖, 好唔好？]
軒：[好呀！]
媽：[你去自動電梯下面嗰間7-eleven喎, 咁就唔使過馬路。]
軒：[哦, 救恩堂對面嗰間7-eleven呀？]
媽：[唔係呀, 呢間7-eleven要過馬路；我講嗰間喺自動電梯下面嘅街口嗰間。]
軒：[...哦, 我知啦！]
媽再吩咐：[買完奶就返嚟, 唔好周圍去吓。]
軒：[哦。]
軒帶備牛奶袋、牛奶卡及20蚊出門。
7分鐘後, 軒：[媽, 我返嚟啦。]
媽：[唔該哂, 乖仔！]

學校禮堂

“主曰學“畢業

大頭仔

軒是大頭仔, 似媽咪。
上泳班用的泳帽沒多久便被大頭仔撑鬆了, 不能用。
換了頂新泳帽回來。

併圖

媽下載了個新apps, 教軒玩。
囝一教就懂, 連媽都不曉上網下載圖片的功能都識用。
叻仔！

派試卷

軒：[媽, 我今曰派咗考試卷。]
媽：[成績點呀？]
軒：[數學90分。]
媽：[叻仔喎, 都高分啊！]
軒：[我唔係好滿意。]
媽：[點解？]
軒：[有一題文字題, 我抄錯數目字, 成題無咗4分。] 説時謹謹於懷。
媽：[噢！咁都無辨法, 係你自己粗心大意！]
媽：[咁其他科呢？]
軒：[英文默書100分, Reading卷93.5分, Writing 95分, Listening 90分；中文默書.........]
媽：[全部都高分喎, 叻仔。今次考試努力温習, 結果有好成績！依家你就可以放心啦。]
軒：[未嫁, 仲要睇埋(排)第幾名。]
估唔到呀囝依家咁緊張成績。

紅色暴雨

今早天文台將黄色暴雨訊號改為紅雨。
媽：[囝, 紅雨都要返學喎。八號風球同黑雨就唔使返。]
軒非常失望！
不久就收到眾媽咪whatsapp話原來紅雨係唔使返學。
軒：[嘩！！正呀！] 又跳哂舞！
又多一天假期。

BMX

軒和叔叔、嘉希、雍韋去踩BMX。
軒已幾年沒踩單車了, 換上全套裝備頭盔；軒因不熟習要企起身踩, 開始時會跌低, 再起身再練......軒漸漸領會踩BMX嘅技巧, 成功踩完“波浪“坡。
之後, 軒和雍韋、嘉希便挑戰賽用嘅高台, 由高台冲落嚟！
軒第一、二次挑戰失敗, 抄車！
跌完起番身, 終於成功了！
叻仔！

光豬

軒已嚷了幾天要剪頭髮。
今早, 從Learning Tree放學、到鴻興吃完早餐已11點；
媽：[囝, 過對面姨姨到剪頭髮囉？]
軒：[依家11點啦, 我11點9搭媬姆車, 無時間噃。]
媽：[唔怕, 亞姨剪頭髮咁快, 5分鐘都剪完啦！]
最後, 我們11:15a.m.便回到家。
媽：[軒, 快啲洗頭冲凉......]
説話未完, 已見一條光豬從軒的房“飛“入浴室！
媽：[哈哈哈......！囝, 你好似條飛蟲, 哈哈.....]
軒：[哈哈.....]
影唔到佢, 可惜。

識講説話

軒游完水食埋飯後, 媽想到‘價真棧‘買嘢。
入到店内, 職員便開始落閘。
媽問：[你哋收舖嗱？]
店員：[係吖, 買嘢要快少少, 等埋你。]
媽：[唔該哂。]
媽：[軒, 你去攞包飯嘅紫菜]
軒：[哦。]
媽用1分鐘買齊東西, 便和軒到收銀處付款。
軒對收銀姨姨説：[阻住你哋收鋪真係唔好意思！]
媽：[嘩！囝, 你咁識講說話嘅。]
收銀姨姨笑着逗軒説：[咁你請我食飯啦！]
軒不好意思地答：[唔洗啦。]
媽知軒聽錯, 會錯意。
媽：[姨姨係叫你請佢食飯。唔係叫你食埋飯先走！]
姨姨：[係吖, 我呢到無得煮飯食嫁。你請唔請我食飯？]
軒尷尬地笑。

中、英、數 成績優異獎

軒, 恭喜你！
乖仔叻仔！！

望彌撒

軒：[媽, 妳以後要望彌撒。]
媽：[點解呀？]
軒：[因為我同爸爸都係天主教徒, 所以家人都最好一齊望彌撒。]
媽想了想：[哦, 咁你邊個禮拜日唔使上主日學, 而係望彌撒嘅就叫埋我啦！]
軒：[好啊！]

我們的魚

軒：[媽, 我哋去加拿大旅行嘅時候, 我哋條魚邊個照顧呀？]
媽：[叫宏表哥或者樂兒幫手好唔好吖？]
軒：[千祈吾好俾樂兒呀！]
媽：[點解？]
軒：[佢唔識養, 整死條魚咁點算？！]
呢個囝, 早兩日仲話唔想養魚, 而家又咁緊張。

父親節快樂！

唔想養魚

軒：[媽, 我唔想養魚啦！]
媽：[點解呢？] 心想呀囝又想講養狗啦
軒：[魚都唔可以同我玩！]
媽：[咁點吖？]
軒：[可以養狗就好啦, 佢可以陪我玩！我唔駛咁悶。]
媽都係嗰句：屋企無地方養狗。

凱撒沙律

今晚軒自己做凱撒沙律, 好味！

浸龍舟水

端午節與公公婆婆及各人飲完茶後, 我們便到淺水灣玩。

上天堂

軒：[媽, 我同爸爸都係天主教徒, 我哋第日會上天堂。]
媽：[吓, 咁媽媽點呀？ 我唔係教徒, 上唔到天堂, 咪揾唔到你同爸爸囉！？]
軒想了想：[唔緊要, 係好人都上得天堂嘅。]
媽：[咁你話媽媽係唔係好人？]
軒：[係。]

初領聖體

軒, 恭喜你！

爸爸, 生日快樂！

黑色暴雨

早上起床看新聞報導：教育局宣怖全日制及上午校今日停課。
軒很失望！
10:15am 再看報導： 教育局宣怖所有學校今曰停課。
軒：[ Yaahooo!! 好嘢！！]
軒開心到跳埋扭patpat舞添！

受傷了

軒放學：[媽, 我今日上體育堂時俾曾啟博用乒乓波拍打到眼。] 説時語氣平靜。
媽：[吓！ 傷咗邊吖？] 反而媽好緊張。
好彩軒帶眼鏡, 擋住塊球拍先至無咁嚴重。
軒：[體育老師問我係邊個打我之後要罰Ambrose, 但係我同老師講話佢無心嘅, 咁老師就無罰佢。]
媽：[呀囝做得好好, 大方原諒同學。真係做到“仁愛“, 叻叻！]
囝囝真係進步了, 抵讚！

我們的魚兒

軒自幼便嚷着想養狗。
媽當然一口拒絕。
所以一直只養魚不養狗。

Rubber Duck

專程到尖沙咀碼頭睇鴨, 隻鴨仔好得意！有18米咁高。
晚上約爺爺嫲嫲、姑婆、叔叔嬸嬸他們食飯慶祝母親節。
點了八寶鴨吃。
軒：[嫲嫲, 我晏晝睇完鴨, 依家就食鴨！]
又係喎。

母親節

軒：[媽, 母親節快樂！]
媽：[多謝, 乖仔！扎花好靚啊！]
軒：[唔多謝。] [不過啲花好貴, 要$35咁多！]
因為要自掏腰包買花, 所以囝好肉痛, 哈！
其實, 在母親節前一個禮拜, 軒已問我鍾意乜顏色, 準備母親節送花給我。
多謝乖仔。

俾人打

軒：[媽, 今日鍾旻熹無端端打我喎。咁我告俾老師聽, 老師就罰佢。]
媽最怕聽到囝告人, 因為希望佢懂得大方寬恕別人, 唔好小氣斤斤計較。
媽：[咁佢有冇即刻向你道歉呀？]
軒：[無呀, 到老師寫佢手册時佢先同我講對唔住。]
媽：[係呀, 你有冇原諒佢？]
軒：[有。]
當晚, 旻熹媽咪打電話嚟道歉...
媽：[唔使咁緊張, 男仔郁手郁脚好平常。佢哋自己都解決咗件事囉, 唔使再打嚟道歉啦。]
收線後,軒問：[邊個打嚟？]
媽：[鍾旻熹媽咪。]
軒：[做乜打嚟？]
媽：[佢打嚟講對唔住。]
軒：[唔使咁誇張嘛？]

lce Hockey 頭盔

軒：[嘩, 好靚喎！ 唔該媽咪。]
終於完成了軒的頭盔裝飾。
媽自己都好滿意。

我們的眼鏡

依次由前至後：媽、爸、軒 的眼鏡。

快樂的一天

復活節假期的今天, 約埋大班同學仔到佘仔屋企會所玩。
十幾個小朋友先打乒乓波, 再打保齡球,晚上仲一齊到酒樓食飯, 玩得好開心！
唔該哂佘媽安排埸地。

自食其[餃]

今天和軒包餃子。
他還記得怎樣做,很認真地包了9隻餃子。
結果把8隻餃子吃進肚裏！
軒：[留番1隻餃子俾爸爸食。]
真係好錫爸爸, 哈！

Hello, Sheriff !

避彈衣 [新買的游水保暖衣]
手槍     [購自馬來西亞的橡筋木槍]
真的似模似樣！

媽媽, 生曰快樂！

教囝

昨晚媽準備了花膠燉鮮奶和生果一碟。 等囝囝做完功課便可抖吓, 同爸爸傾下計或者玩一下。
點知呀囝又唔俾心機做功課, 俾媽媽擦掉所有寫得差嘅字, 要重寫。軒仲發脾氣話媽“特登“擦他嘅字, 真係罪加一等！
結果？ 捱鬧連改正攪到11:00點。軒飲咗幾啖燉奶已自行擦牙洗面返房瞓。唉, 囝囝生性啦！
今早問軒見到枱面有乜？
軒：[
媽

派成績表

名次退了四名。軒十分失望！
也沒辨法, 囝明顯散漫了。
囝,努力啦！
值得讚的是無論係班主任或數,常科任老師都讚呀囝上課很專心,懂得主動寫筆記。
班主任還讚軒有領導才能,熱心主動幫助老師,同學。懂得體諒同學！
囝,做得好！！

中華文化日

軒參加[民族環保花生騷]得獎。今日便要帶埋自己整旣環保飾物行catwalk。恭喜！
軒回來説：[行catwalk行到腳都痺呀！]
媽：[點解呢？]
軒：[因為1-3年級,4-6年級兩場catwalk都要表演。我哋嗰場,老師仲要我擺pose添！]
真好玩。

銀章

軒放學：[媽, 我今日上台領銀章！]
媽：[係喎, 媽媽都唔記得！對唔住, 呀囝！恭喜你呀！]
新年假期前, 軒提過我20/2領銀章。係呢個呀媽愈嚟愈無記性。
媽：[媽媽獎勵你吖？有冇嘢要呀？]
軒：[唔使啦。]
媽：[真係唔使？]
軒：[唔使啦！]
真係乖仔！
下學期繼續努力攞埋個金章！

 

愛子早餐

A餐 - 蜜糖麥包
B餐 - 果沾麥包

做班長

媽往站頭接軒放學。
軒落媬姆車第一時間説：[媽,我做班長呀！]
軒興奮地着媽睇吓個班長牌。
媽：[恭喜你呀囝！好叻呀！今年又做班長！]
媽：[你要做個盡責嘅班長喎。媽媽知你一定做得好好嘅！]
乖仔, 叻仔！

待人接物

爸問媽：[啲襪未乾嗎？]
媽：[你睇吓,如果乾就攞俾我摺襪啦！]
媽問軒：[你知唔知乜嘢係“待人接物“呀？]
軒：[係咪“幫人摺襪“呀？]
媽：[哈哈！你上當啦。係同人相處咁解呀！]

夢 (足球)

軒：[媽,我尋晚發咗個好夢呀！]
媽：[係點㗎？]
軒：[我夢到你買咗個5號波俾我！]
軒：[係巴塞羅挪對曼聯嘅特别版足球。原價萬幾蚊, 减價1折後1千蚊咋！]
媽：[咁真係發夢,我點會買成千蚊嘅波俾你吖？！]

夢 (生日會)

我們三人在家吃晚飯。
軒：[我尋日發咗個幾開心嘅夢。]
爸：[你夢到乜呀？]
軒：[我發夢恩琪請我去佢生日會。生曰會响佢爺爺嫲嫲屋企開, 佢哋係住一間間屋嘅, 有8層樓咁高！]
媽：[嘩,咁大呀？！]
軒：[佢地屋企一樓係會所；二樓係泳池；三樓係網球場；四樓係籃球場；五樓係佢爺爺嫲嫲住；六樓係兒童遊樂埸；七樓係乒乓球場；八樓係天台露天足球場。]
媽：[睇嚟恩琪嘅爺爺嫲嫲似住喺市政局綜合體育大樓多啲。]

多謝,乖仔們！

軒和爸在聖安多尼堂。媽在家。
軒返主日學；爸望彌撒；媽在攤抖。
爸打電話回家：[我啱啱望完彌撒,依家去接呀囝放學。妳出唔出嚟食早餐呀？]
媽：[唔使啦,我食咗麵。]
軒打電話回家：[媽,我啱啱放學,爸爸仲未嚟到。妳出唔出嚟食早餐呀？]
媽：[唔使啦,我食咗麵。你等多一陣,爸爸嚟緊啦。]
媽好開心,因為有兩個乖仔鍚！

龜兔賽跑(後篇) - 答案

軒很努力地猜了幾日還沒有猜中。
媽再重覆：[龜兔賽跑後,兔仔唔忿氣,要再同烏龜比賽；結果都係烏龜赢了,點解呢？]
軒認真地想了想：[我知啦！ 今次比賽游水,所以烏龜又赢。]
媽：[好叻仔呀, 猜中了！]
媽：[咁教我哋乜吖？]
軒想了想：[我知, 係要我哋發揮自己嘅才能。好似我跑步叻, 數學叻過xxx咁。]
媽：[啱啦！呀囝真係叻啦！連寓意都識, 叻仔！]

前弓後箭

醫生叫軒每日練習“前弓後箭“這動作拉鬆後腿筋。
第一次做時,軒叫：[好痛呀！]
媽：[膝頭要碰到牆呀！]
軒：[好難做到嫁,你做吓吖？]
媽沒理會他,動手把他的後腳掌板平貼地。
軒叫：[好痛呀！……好痕呀,哈哈哈……]

哈密瓜皮

近日天氣乾燥。
軒：[媽,我隻腳好痕,幫我揸cream吖？]
媽：[No！你自己揸。]
軒嗱起褲腳：[妳睇吓,好似哈密瓜皮！]
媽：[又幾似喎。]
睇佢腳瓜仔形狀,似兩條老黄瓜多啲！

搭䢂記

軒和媽往屯門醫院覆診睇腳。
完後搭䢂上2樓員工餐廳食下午茶。
有位姨姨㩒10樓,但是粒制凈係閃一閃,無着燈。
嗰位姨姨唔係好放心,遂再㩒多一次,但情况都係一樣。
軒對那位呀姨説：[佢知道嘅啦！]
姨姨答：[係咩？]
到了2樓,軒和媽立刻冲出䢂一齊：[哈哈……]
媽特登問軒：[邊個係佢呀？]
軒：[部䢂吖嘛。粒制閃一閃即係感應到要上10樓啦！]
唔知嗰位呀姨去唔去到10樓呢？

鄉下話

軒：[婆婆有時講 “own驚own驚“ 咁, 佢係咪 ‘好驚‘ 呢？]
媽：[唔係, 佢係叫你 “乖仔 乖仔“ 啫。]
軒：[我仲以為婆婆好驚添！]
哈 哈！

龜兔賽跑(後篇)

媽問軒：[龜兔賽跑後,兔仔唔忿氣,要再同烏龜比賽；結果都係烏龜赢了,點解呢？]
軒：[我知！兔仔被獵人捉咗。] 唔係
軒：[兔仔死咗。] 唔係
軒：[兔仔跑跑吓暈咗。] 唔係
軒：[……] 唔係
軒：[……] 都唔係
軒：[俾啲提示啦！]
媽：[唔得喎, 你要自己思考！講啱有獎！]
軒很努力繼續猜。

肺癌

軒和媽在家中温英默考試。
媽問：[lunch]
軒答：[l u n c h]
媽：[啱。咁你識唔識串 lung ？] 呢個字唔會考,不過媽媽會考吓軒課外嘅生字。
軒：[係唔係 l u n g？]
媽：[lung 即喺 肺, 人有幾個肺呀？]
軒：[兩個, 咁就係 l u n g s ]
媽：[啱啦, 叻仔！寫落你本vacabulary薄到啦！]
媽：[識唔識寫個 “肺“字呀？]
軒：[識, 係“玉“字旁] 然後寫好個“肺“字。
軒：[媽, 上次學校派通告都有個肺字啦。張通告話有同學有肺癌。]
媽：[唔係肺癌, 係肺炎咋！] 真係大吉利是！

公公、婆婆生曰快樂

晚上在酒樓訂兩圍共22人熱鬧地與公公婆婆慶祝生日！

第一次牙痛

軒放學：[媽咪,我呢(左)邊牙痛,好痛呀！]
軒眼带淚光,狀甚可憐！
回家後,媽準備一杯檸檬盬水叫軒漱口。
媽問軒：[囝,好啲未呀？]
軒：[唔痛啦。不過我好攰。]
媽見軒嗰樣真係好攰咁,唔多精神,所以明天星期六長週會幫他請病假,留在家中休息。

2013 新年快樂

11：06p.m.  31-12-2012
軒：[媽,你可唔可以幫我錄影2013年倒數呀？]
媽：[好吖！]
軒：[唔該。] 然後去瞓覺。

7:15a.m.  1-1-2013
媽矇矓間聽到隔壁房的軒“Yeah“一聲大叫。
媽遂馬上起床查看軒,但見軒還在睡覺,沒有異樣。
8:30a.m.
軒起床。
軒：[媽, 我尋晚零晨起咗身倒數呀！]
媽：[係咩？我唔知嘅？]
軒：[我係床上數“5,4,3,2,1 Yeah！“咁  。我望到窗簾有光透入嚟,仲好彩睇到煙花添！]
媽：[:O]