俾人打

軒：[媽, 今日鍾旻熹無端端打我喎。咁我告俾老師聽, 老師就罰佢。]
媽最怕聽到囝告人, 因為希望佢懂得大方寬恕別人, 唔好小氣斤斤計較。
媽：[咁佢有冇即刻向你道歉呀？]
軒：[無呀, 到老師寫佢手册時佢先同我講對唔住。]
媽：[係呀, 你有冇原諒佢？]
軒：[有。]
當晚, 旻熹媽咪打電話嚟道歉...
媽：[唔使咁緊張, 男仔郁手郁脚好平常。佢哋自己都解決咗件事囉, 唔使再打嚟道歉啦。]
收線後,軒問：[邊個打嚟？]
媽：[鍾旻熹媽咪。]
軒：[做乜打嚟？]
媽：[佢打嚟講對唔住。]
軒：[唔使咁誇張嘛？]