班長

軒今日拿了個班長牌回來, 說:「老師叫我由聽日開始做班長呀, 仲俾班長牌我!」

爸:「咁你會做幾耐班長呀?」

軒:「唔知呀, 老師話如果我乖就做多幾日喎。」

爸:「係咪輪住做呀?」

軒:「唔知呀, 之前都無人做過, 我係第一個做。

你知唔知呀, 我成日都去校務處o架。」

爸:「點解呀?」

軒:「要幫黃老師攞書去佢張枱!」

爸:「咁黃老師有無攞野呀?」

軒:「無呀, 佢仲响課室教書!」

爸:「得你一個幫手?」

軒:「總共有四個。」

爸:「點解揾你哋?」

軒:「可能我哋乖呢, 一開始就叫我哋, 無揾其他人。」

都係媽媽心水清:「你哋四個係咪最高呀?」

軒:「係呀!」

謎團已經解開。