金手指

放學回家, 軒有點兒失望的對媽媽說:「今日唔洗帶班長牌呀!」

媽:「點解呀?」

軒:「老師話下星期一先開始。 但係今日做咗樣好特別嘅嘢, 就係要上二樓電腦室揾哥哥落嚟整電腦。

「仲有呀, 老師行開咗我要企出去唔好俾其他人傾計。」

媽:「咁佢哋聽唔聽你講呀?」

軒:「有啲唔聽啦。」

媽:「咁你點呀?」

軒:「老師返嚟話俾老師聽。」

媽:「你記得哂同學啲名?」

軒:「未啊, 指佢哋出嚟囉!」